CREDITSMART: OʻZBEKISTON KREDIT BOZORIDA MATEMATIKASOSLANGAN RAQAMLI MOLIYAVIY PLATFORMANINGISHLAB CHIQILISHI VA TATBIQ ETILISHI

Annotatsiya

Ushbu maqolada Oʻzbekiston kredit bozorining raqamli transformatsiya sharoitidagi dolzarb muammolari tahlil etilgan va ularni hal etishga qaratilgan CreditSmart veb-platformasining matematik asoslari hamda dasturiy amalga oshirilishi bayon etilgan. Maqolada annuitet toʻlov formulasining geometrik progressiya yordamida keltirib chiqarilishi, kredit qoldigʻi dinamikasini uzluksiz modellashtiradigan differensial tenglama yechimi va effektiv foiz stavkasi (APY) hisoblash algoritmi ilmiy jihatdan asoslab berilgan. Dasturiy qism Python/FastAPI backend, PostgreSQL maʼlumotlar bazasi va React frontend asosida qurilganligi batafsil ko'rsatilgan. Platformaning 16 dan ortiq Oʻzbekiston bankini qamrab oluvchi solishtirish moduli, amortizatsiya jadvali generatori va kredit skoring funksiyalari taqdim etilgan. Beta-test natijalari (n=50) platformaning yuqori amaliy samaradorligini - kredit tahlili vaqtini 3 kundan 2 daqiqagacha qisqartirganini - tasdiqlagan.