Jurnal haqida

"ILMIY TADQIQOTLAR, INNOVATSIYALAR VA ZAMONAVIY YONDASHUVLAR" xalqaro ilmiy jurnali nizomi

 

JURNALI NIZOMI

Umumiy qoidalar

  1. Ushbu Nizom “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnali tahririyati faoliyatining (bundan keyin tahririyat deb yuritiladi) tashkiliy, iqtisodiy, huquqiy va ijtimoiy asoslarini belgilab beradi.

    • “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnalining muassisi Fargʻona davlat universiteti hisoblanadi (keyingi o‘rinlarda “Muassis” deb yuritiladi).
    • Jurnal ilmiy nashr bo‘lib, A-4 formatda 400 betdan 450 betgacha, yiliga 12 marta o‘zbek, rus va ingliz tillarida, O‘zbekiston Respublikasining butun hududi va uning tashqarisida tarqatish uchun mo‘ljallangan davriy elektron nashri sifatida yuritiladi (jurnalning davriyligi, hajmi va sahifalari soniga keyinchalik amaldagi tartib-qoidalarga muvofiq tegishli o‘zgartirishlar kiritilishi mumkin).
    • Jurnal fan sohalariga oid ilmiy maqolalarni chop etishga yo‘naltirilgan. Jumladan:

    01.00.00-FIZIKA-MATEMATIKA fanlari;

    02.00.00-KIMYO fanlari;

    03.00.00-BIOLOGIYA fanlari;

    05.00.00-TEXNIKA fanlari;

    05.01.00-AXBOROT TEXNOLOGIYALARI, BOSHQARUV VA

    KOMPYUTER GRAFIKASI fanlari;  

    09.00.00-FALSAFA fanlari;

    10.00.00-FILOLOGIYA fanlari;

    13.00.00-PEDAGOGIKA fanlari;

    19.00.00-PSIXOLOGIYA fanlari;

    22.00.00-SOTSIOLOGIYA fanlari;

    07.00.00-TARIX fanlari;

    08.00.00-IQTISODIYOT fanlari;

    11.00.00-GEOGRAFIYA fanlari;

    06.00.00-QISHLOQ XOʻJALIGI fanlari;

    17.00.00-SANATSHUNOSLIK fanlari;

    18.00.00-ARXITEKTURA;

    21.00.00-HARBIY fanlar;

    04.00.00-GEOLOGIYA-MINERALOGIYA fanlari;

    1.3.4. Maqolalarni qabul qilish muddati: Har oyning 10-sanasiga qadar.

    1.3.5. Jurnalning nashr etilish sanasi: Har oyning 20-sanasi.

    • Tahririyat o‘z faoliyatida O‘zbekiston Respublikasi Konstitusiyasiga, Vazirlar Mahkamasining 2019-yil 19-dekabrdagi “Ommaviy axborot va kommunikasiyalar sohasida davlat xizmatlari ko‘rsatishning ayrim ma’muriy reglamentlarini tasdiqlash to‘g‘risida”gi 1017-son Qarorining 1-ilovasi 5-bandiga asosan hamda O‘zbekiston Respublikasi “Ommaviy axborot vositalari to‘g‘risida”gi Qonunining 11-moddasi talablariga muvofiqlashtirilgan holda, shuningdek, “Axborot erkinligi prinsiplari va kafolatlari to‘g‘risida”gi O‘zbekiston Respublikasi Qonunlari, amaldagi boshqa qonunlar va huquqiy hujjatlarga hamda ushbu Nizomga amal qiladi.
    • Tahririyat mustaqil yuridik shaxs emas, u o‘zining mustaqil balansiga, bank muassasalarida hisob va valyuta raqamlariga, o‘z belgisi tushirilgan muhr va tamg‘aga ega emas. Fargʻona davlat universitetida faoliyat yuritadi.
    • Tahririyat va Muassisning o‘zaro munosabatlari mazkur Nizom va ular o‘rtasida tuzilgan shartnoma asosida yo‘lga qo‘yiladi.

    Tahririyat joylashgan manzil – Fargʻona davlat universiteti binosida, O‘zbekiston Respublikasi Fargʻona shahar Murabbiylar ko‘chasi, 19-uy.

    Tel.: (94-090-01-54), Sayt:  www.cientists21.org,  

    Jurnal telegram kanali: https://t.me/SRIMA_Journal    

     

    1. JURNALNING MAQSAD VA VAZIFALARI
      • Jurnalning maqsadlari:
    • tahririyat o‘z faoliyatida Muassis tomonidan tasdiqlangan Nizom talablari asosida ish yuritadi;
    • oliy o‘quv yurtlarining professor-o‘qituvchilari, doktorantlari, ilmiy xodimlari, magistrantlari, talabalari, maktabgacha va maktab ta’limi hamda xalq xo‘jaligining turli sohalarini mamlakatimiz va xalqaro miqyosdagi fan sohalariga oid yangiliklardan xabardor qilish;
    • ilmiy tadqiqot ishlarining natijalari, yechimlarini kutayotgan muammo va masalalar, boshqa mamlakatlardagi fan va texnikaga oid yangiliklar, oliy o‘quv yurtlarida o‘tkazilayotgan ilmiy konferensiyalar va anjumanlar haqida maqola, axborotlarni chop etish;
    • ilm-fan sohasida olib borilayotgan tub islohotlarning mohiyatini tushuntirish;
      • Jurnalning vazifalari:
    • O‘zbekiston Respublikasi hamda butun dunyoda fan va texnologiyalar modernizasiyasi borasida amalga oshirilayotgan tub islohotlar, milliy istiqlol g‘oyasi targ‘iboti va ilmiy-ma’rifiy ishlar samaradorligini oshirish, iqtidorli va salohiyatli yoshlarni izlab topish va ularni ilmiy-tadqiqot ishlariga yo‘naltirish orqali jamiyatimizda sohaning yetuk professional kadrlarini tayyorlashga erishish;
    • ilmiy tahlil etish, uning natijalarini amaliyotga joriy etish bo‘yicha respublika va boshqa xorijiy davlatlar mutaxassislari ishlarini umumlashtirish va hamkorlikni yo‘lga qo‘yish;
    • tahririyat xodimlarining ijodiy imkoniyatlarini to‘la ishga solishni ta’minlash;
    • mamlakatimizdagi hamda dunyodagi islohotlar tufayli joriy qilinayotgan innovasion g‘oyalar mazmun-mohiyatini jamoatchilikka yetkazish;
    • dunyoda yaratilgan yangi innovasion texnologiyalarni ommalashtirishga va ishlab chiqarishga joriy etishga ko‘maklashishdan iborat bo‘ladi.

     

    1. III. MUASSISNING HUQUQ HAMDA MAJBURIYATLARI

    3.1. Muassis quyidagi huquqlarga ega:

    - tahririyat Nizomini tasdiqlash;

    - amaldagi qonunchilik va ushbu Nizomga muvofiq jurnalning nashr etilishini to‘xtatish;

    • jurnal tahririyatidan ommaviy axborot vositalari to‘g‘risidagi qonun hujjatlari va mazkur Nizom qoidalariga to‘la rioya etilishini talab qiladi;
    • qonunlarda, tahririyatning nizomida, tahririyat bilan Muassis o‘rtasidagi shartnomada belgilangan tartibda tahririyatning ishlarini boshqarishda ishtirok etadi;
    • bosh muharrirni lavozimiga tasdiqlaydi va egallab turgan lavozimidan ozod etadi;
    • tahrir hay’ati va jamoatchilik Kengashi tarkibini tasdiqlaydi va unga o‘zgartirishlar kiritadi;
    • tahririyat shtat jadvalini tasdiqlaydi;
    • tahririyatning xo‘jalik yili xarajatlari va daromadlar smetasini tasdiqlaydi va unga o‘zgartirishlar kiritadi;
    • tahririyat faoliyatining istiqbolli rejalarini ishlab chiqishda qatnashadi;
    • tahririyatning boshqaruv organlarini shakllantirishda ta’sis xujjatlari, tahririyatning mazkur Nizomi va qonun hujjatlarida belgilangan tartibda ishtirok etadi;
    • jurnalning belgilangan muddatlarda o‘z vaqtida va sifatli chiqarilishini nazorat qiladi;
    • tahririyat faoliyatidan ko‘rilgan foydani taqsimlaydi;
    • ommaviy axborot vositasining ro‘yxatda qayd etilgan nomidan foydalanish va uni tasarruf etish, shuningdek, ommaviy axborotni tarqatishning ayni shu shakliga tatbiqiy bu nomdan boshqa shaxslarning foydalanishini ta’qiqlaydi;
    • tahririyatning moliyaviy faoliyati Muassis doirasida amalga oshiriladi. Jurnalning Nizom jamg‘armasi besh so‘m miqdorida belgilanadi. Muassisning jurnal Nizom jamg‘armasidagi ulushi doimiydir. Agar moliyalashtirish jarayonida Muassisning moliyaviy ishtiroki balansi o‘zgarsa, tahririyat jurnalni ro‘yxatga oluvchi tashkilotga yozma ravishda rasmiy xat bilan axborot berishi va murojaat qilishi shart;
    • tahririyatda xorijiy muassislar ulushi yo‘q.

    3.2.  Muassis:

    • qonunda belgilangan tartibda jurnal faoliyatni ushbu Nizom
      VIII bobidagi qoidalarga asosan to‘xtatishga haqlidir;
    • ommaviy axborot vositasining chiqarilishi tugatilgan taqdirda kreditorlar bilan hisob-kitob qilinganidan keyin qolgan mulkni yoki uning qiymatini qonun hujatlarida nazarda tutilgan tartibda olish huquqiga ega;
    • tahririyat tugatilganda, uning nomiga bo‘lgan huquqni saqlab qoladi.

    3.3. Muassisning majburiyatlari:

    • tahririyatni tashkil etish;
    • tahririyatning Nizomini tasdiqlash va uning ijrosini ta’minlash;
    • tahririyat bilan shartnoma tuzish;
    • jurnalning chiqarilishini ta’minlash;
    • tahririyatni xonalar, aloqa vositalari, kompyuter texnikalari va boshqa zarur texnik jihozlar bilan ta’minlash;
    • jurnal uchun zarur axborot va materiallarni o‘z vaqtida yetkazib berish;
    • jurnalning keng ommaviyligini ta’minlashda ko‘maklashish;
    • qonun hujjatlariga muvofiq Muassis boshqa majburiyatlarga ham ega bo‘lishi mumkin.

    3.4.  Muassis huquqlari va majburiyatlarining tugatilishi.

    Muassisning huquqlari va majburiyatlari quyidagi hollarda tugatiladi:

    • Muassis – yuridik shaxs bankrotga uchraganda yoki tugatilganda;
    • Muassisning huquqlari va majburiyatlari qonun hujjatlariga muvofiq boshqa hollarda ham tugatilishi mumkin.

     

    1. IV. TAHRIRIYATNING HUQUQ VA MAJBURIYATLARI
    • “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnali faoliyatini moliyalashtirish qonun hujjatlarida belgilangan tartibda amalga oshiriladi;
    • tahririyat bosh muharrir, mas’ul muharrir, texnik muharrir tahririyat xay’ati, tahririyat kengashi, tahririyat muharrirlari, jumladan tahririyat musahhihlaridan iboratdir;
    • tahririyat o‘z faoliyatini ijodiy tashkil qilish uchun mutaxassislarni jalb qiladi;
    • homiylarning tahririyat va uning xodimlarining kasb faoliyatiga aralashuvi ta’qiqlanadi;
    • tahririyat O‘zbekiston Respublikasi “Ommaviy axborot vositalari to‘g‘risida”gi qonunida belgilangan tartibdagi huquqlarga ega bo‘lib, o‘z faoliyatini shu huquqlar asosida amalga oshiradi;
    • jurnalga tegishli qonun hujjatlariga asoslangan holda jurnalistika, adabiyot, san’at asarlaridan va ilmiy asarlardan foydalanilishiga yo‘l qo‘yiladi;
    • tahririyatga kelgan maqolalarni e’lon qilishga tayyorlash chog‘ida mazmunini buzmagan holda ularning matnini qisqartirish va tahrir etishga yo‘l qo‘yiladi;
    • yuridik yoki jismoniy shaxs jurnal sahifasida e’lon qilingan, haqiqatga to‘g‘ri kelmaydigan va o‘zining sha’ni hamda qadr-qimmatiga dog‘ tushiradigan ma’lumotlar bo‘yicha raddiya berishni tahririyatdan talab qilishga haqlidir;
    • favqulodda vaziyatlar to‘g‘risidagi shoshilinch xabarlar yoki davlatning vakolatli organlari tomonidan omma e’tiboriga zudlik bilan yetkazish maqsadida berilgan xabarlarni e’lon qiladi.

    4.1. Tahririyat qonunan rad etgan materiallarni jurnalda majburan e’lon qildirishga hech kim haqli emas.

    4.2. Tahririyat mazkur Nizomda ko‘rsatilgan vazifalarini amalga oshirar ekan, quyidagilarga haqli hisoblanadi:

    - jurnalning har bir soni alohida chiqarilishi va tarqatilishiga faqat Bosh muharrir uni chiqarish uchun ruxsat berganidan so‘ng yo‘l qo‘yiladi;

    - yuridik va jismoniy shaxslarning maslahat xizmatiga bo‘lgan ehtiyojini qondiradi;

    -  qonun hujjatlariga muvofiq ilova nashrlar chop etadi.

    4.3. Tahririyat qonunlarga ko‘ra boshqa huquqlardan foydalanishi mumkin.

    4.4. Tahririyat quyidagi majburiyatlarni bajaradi:

    • chop etilayotgan materiallarning to‘g‘riligini tekshirish;
    • o‘rnatilgan tartibda mualliflarni jalb etib, shartnoma asosida jurnalning chiqarilishi uchun materiallarni tayyorlash;
    • sidqidildan va halol mehnat qilish;
    • mehnat intizomiga rioya qilish, ishga vaqtida kelish, ish vaqtining davomiyligiga rioya etish hamda ish vaqtidan unumli foydalanish,  tahririyat Bosh  muharririning buyruq va topshiriqlarini o‘z muddatida sifatli, to‘liq ijro etish;
    • mehnat shartnomasi, ichki mehnat tartibi, mehnatni muhofaza qilish, texnika xavfsizligi, mehnat gigiyenasi va yong‘inga qarshi xavfsizlik bo‘yicha tegishli qoidalar va yo‘riqnomalarda nazarda tutilgan talablarga to‘liq rioya qilish;
    • “Ommaviy axborot vositalari to‘g‘risida”gi qonun hujjatlari talablariga qat’iy rioya etish;
    • nashrga tayyorlangan materiallarning dolzarbligini va jurnalning profiliga, davr talablariga mosligini ta’minlash;
    • obunani uyushtirish va tarqatish ishlarini tashkil etish;
    • tahririyat faoliyati haqida Muassisga axborot berish;
    • Muassis taqdim etgan materiallarni o‘zaro shartnoma shartlariga ko‘ra jurnalda bepul yoritish.

    4.5. Tahririyat:

    • chop etilgan axborotning to‘liqligi va haqqoniyligi uchun javobgarlikni o‘z zimmasiga oladi;
    • Muassis tomonidan foydalanish uchun berilgan jihozlar, kompyuter texnikasi, aloqa vositalari va boshqa shu kabi mol-mulklar butligini ta’minlaydi.

    4.6. Tahririyatning zimmasida qonun hujjatlariga muvofiq boshqa majburiyatlar ham bo‘lishi mumkin.

    4.7. Tahririyat:

    • mehnat, ijro va ishlab chiqarish intizomini mustahkamlaydi;
    • xodimlarni moddiy va ma’naviy rag‘batlantirish, ularning kasbiy mahoratlarini oshirish to‘g‘risida g‘amxo‘rlik qiladi;
    • zarurat tug‘ilganda, tahririyat xodimlarini viloyatlarga va xorijga xizmat safariga jo‘natadi.

    4.8. Tahririyat:

    • O‘zbekiston Respublikasining mavjud konstitusiyaviy tuzumini, hududiy yaxlitligini zo‘rlik bilan o‘zgartirishga da’vat etish;
    • urush, zo‘ravonlik va terrorizmni, shuningdek, diniy ekstremizm, separatizm va aqidaparastlik g‘oyalarini targ‘ib etish;
    • milliy, irqiy, etnik yoki diniy adovat qo‘zg‘atuvchi axborotlar tarqatish;
    • giyohvandlik vositalari, psixotrop moddalar va prekursorlarni targ‘ib qilish;
    • jinoiy va o‘zga javobgarlikka sabab bo‘ladigan boshqa xatti-harakatlarni sodir qilish maqsadida foydalanilishiga yo‘l qo‘yilmaydi;
    • fuqarolarning sha’ni va qadr-qimmatini tahqirlash, shaxsiy hayotiga aralashish ta’qiqlanadi.

    4.9. Tahririyat:

    • favqulodda vaziyatlar to‘g‘risida shoshilinch xabarlar yoki vakolatli davlat organlari tomonidan jamoatchilik e’tiboriga zudlik bilan yetkazish maqsadida berilgan xabarlarni e’lon qiladi.
    1. TAHRIRIYATNI MOLIYALASHTIRISH MANBALARI, MOLIYAVIY-XO‘JALIK FAOLIYATI

    5.1. Tahririyat alohida yuridik shaxs hisoblanmaydi, mustaqil ravishda moliyaviy faoliyat yuritmaydi. Uning moliyaviy-xo‘jalik faoliyati Muassis doirasida amalga oshiriladi. Jurnalning Nizom jamg‘armasi besh so‘m miqdorida belgilanadi.

    Quyidagilar:

    • tahririyatning ishlab chiqarish xarajatlari uchun mablag‘lar;
    • jurnal obunasidan tushadigan mablag‘lar;
    • qonun hujjatlariga zid bo‘lmagan reklama va tadbirkorlik faoliyatidan olinadigan mablag’lar;
    • grantlar, beg‘araz xayriya, homiylik badallari, banklarning kreditlari, O‘zbekiston Respublikasi korxonalari, muassasa va tashkilotlari, shuningdek, fuqarolarning xayr-ehsonlari;
    • qonun hujjatlarida ta’qiqlanmagan boshqa manbalardan tushadigan mablag‘lar;
    • tahririyat xizmat xonalari, aloqa vositalari, kompyuter texnikalari, boshqa vositalar hamda ular bilan bog‘liq harajatlar Muassis tomonidan ta’minlanadi va boshqariladi.

    5.2. Jurnalning obuna bahosi, chakana savdodagi narxi, reklama va e’lonlar, boshqa xizmatlar haqqi Muassis bilan kelishilgan holda tahrir hay’ati tomonidan belgilanadi va o‘zgartiriladi.

    5.3. Tahririyat va Muassis bozor iqtisodiyoti talablaridan kelib chiqib, jurnalning davriyligini, hajmini, o‘lchamini va narxini mos ravishda mustaqil o‘zgartirishi mumkin.

    5.4. “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnali shartnoma asosida matbaa korxonalarida bosiladi. Jahon axborot tizimlariga Muassis elektron sayti orqali elektron shaklda joylashtiriladi.

    5.5. Jurnalni tarqatish tahririyatning o‘zi, pochta aloqa korxonalari va jahon axborot tizimlari orqali amalga oshiriladi.

     

    1. VI. TAHRIRIYATNING BOSHQARUV ORGANLARINI SHAKLLANTIRISH TARTIBI

    6.1. Muassis “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnalining bosh muharririni tayinlaydi.

    6.2. Jurnal faoliyatini bosh muharrir tavsiyasi bilan Muassis buyrugʻi bilan tasdiqlangan tahrir hay’ati boshqaradi.

    6.3. Bosh muharrir:

    - tahririyat va tahrir hay’atining faoliyatiga umumiy rahbarlik qiladi;

    - tahririyat xodimlari bilan mehnat shartnomasi tuzish, ularni bekor qilish, shuningdek, xodimlarni rag‘batlantirish yoki intizomiy javobgarlikka tortish masalalarini O‘zbekiston Respublikasi Mehnat Kodeksi talablariga muvofiq hal etadi;

    - tahririyatning shtatlar jadvalini tasdiqlaydi, jamoa xodimlarining xizmat vazifalarini, ish haqi, mukofot, ustama ish haqi, moddiy yordam va qalam haqi miqdorlarini begilaydi;

    - tahririyatning samarali faoliyat ko‘rsatishi uchun barcha zarur sharoitlarni yaratish choralarni ko‘radi;

    - xodimlarning ilmiy-ijodiy yutuqlarini moddiy va ma’naviy jihatdan rag‘batlantiradi, ularning kasb mahoratini yanada oshirish haqida g‘amxo‘rlik qiladi;

    -boshqa tahririyatlar bilan, shuningdek, respublikamiz va xorijiy mamlakatlaridagi ijodiy uyushma hamda tashkilotlar bilan hamkorlik qiladi;

    - chop etishga tayyorlangan materiallarni tahrir qiladi;

    - chop etilishi kerak bo‘lgan sonni imzolaydi;

    - jurnalning vaqtida nashrga tayyorlanib chop etilishi va tarqatilishi, unda bosilgan materiallarning mazmuni va xolisligi, ma’lumotlarning haqqoniyligi uchun mas’ul hisoblanadi;

    - jurnalning tahririyat xodimlari takliflari asosida ishlab chiqilgan yillik va har bir soni rejasini tasdiqlaydi va uning ijrosini ta’minlaydi;

    - tahririyatning navbatdagi va navbatdan tashqari yig‘ilishlarini chaqiradi;

    - tahririyat kelgusi rejalarini, tahrir hay’atining qarorlarini amalga oshirishni ta’minlaydi;

    - davlat va jamoat tashkilotlari bilan munosabatlarda tahririyat nomidan ish olib boradi;

    - tahririyat nomidan bitim va  shartnomalar  tuzadi;

    - korxona, tashkilot va muassasalar, davlat organlari bilan munosabatlarda ushbu Nizom talablari doirasida tahririyat manfaatini himoya qiladi;

    - tahririyat faoliyati jarayonida yuzaga kelgan masalalar bo‘yicha xizmat vazifalari doirasida qarorlar qabul qiladi;

    - tahririyat nomidan vakillik qiladi va tegishli xat-yozishmalarni amalga oshiradi;

    6.3.1. Bosh muharrir tahririyatning faoliyati “Ommaviy axborot vositalari to‘g‘risida”gi Qonun va mazkur Nizom talablariga muvofiq bo‘lishiga mas’uldir.

    6.3.2. Bosh muharrir o‘zining yuqoridagi vakolatlarini bajarishni to‘la yoki qisman tashkil etish vazifasini ma’sul muharrirga yuklashi va ijroni o‘z nazoratida qoldirishi mumkin.

    6.3.3. Tahrir hay’ati tahririyatni boshqarishda maslahat statusiga ega bo‘lgan jamoa organidir. Tahrir hay’ati Bosh muharrir tomonidan tuziladi va Muassis tomonidan tasdiqlanadi.

    6.4. Tahrir hay’ati:

    - Bosh muharrir rahbarligida tahririyat xodimlari va ilmiy jamoatchilik vakillaridan iborat tarkibda tashkil etiladi;

    - tahrir hay’ati Nizomga o‘zgartirishlar va qo‘shimchalar kiritish haqida takliflar beradi;

    - tahririyat faoliyatidagi yangi yo‘nalishlarni belgilaydi;

    - rag‘batlantirish jamg‘armasini tuzish va undan foydalanish to‘g‘risida tavsiyalar beradi, foydani taqsimlash ishida belgilangan tartibda qatnashadi.

    6.5. Jamoa umumiy yig‘ilishi:

    - tahririyatning yillik harajatlar va daromadlar smetasini muhokama qiladi;

    - tahririyat xodimlarining mehnat sharoitlarini yaxshilash, rag‘batlantirish, mehnat intizomi qoidalarini mustahkamlash va xodimlarning ish faoliyati bilan bog‘liq masalalar bo‘yicha Muassisga takliflar kiritadi.

    - Bosh muharrir bilan tahrir hay’atining ko‘pchilik a’zolari o‘rtasida vujudga kelgan kelishmovchilik va bahsli masalalarni hal etadi;

    6.6. Jamoa umumiy yig‘ilishi vakolatiga kiritilgan masalalar yuzasidan qarorlar shu yig‘ilishda ko‘pchilik ovoz bilan qabul qilinadi. 

     

    1. FOYDANI TAQSIMLASH VA ZARARLARNING O‘RNINI QOPLASH TARTIBI

    7.1. “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnali faoliyatidan olingan foyda Muassis tomonidan boshqariladi.

    7.2. Zararlar o‘rnini qoplash uchun Muassis tomonidan qonunchilikda o‘rnatilgan tartibda zahira fondi tashkil etiladi. Zahira fondi Muassis va homiylar tomonidan kiritiladigan beg‘araz mablag‘lar hisobiga ko‘paytirilishi mumkin.

    7.3. Fors-major hollardagi va boshqa sabablar bilan ko‘rilgan zararlar o‘rnini qoplash uchun zahira fondi mablag‘lari yetmasa, zararlar o‘rni Muassisning o‘z mablag‘lari hisobidan qoplanadi.

    7.4. “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnali tahririyatining zararlarini qoplash tartibi Muassis ishtirokidagi umumiy yig‘ilishda aniqlanadi va bayonnoma bilan rasmiylashtiriladi.

    1. VIII. TAHRIRIYAT FAOLIYATINI TO‘XTATIB TURISH. TAHRIRIYATNI TUGATISH, QAYTA TASHKIL ETISH ASOSLARI VA TARTIBLARI

    8.1. Ommaviy axborot vositasini chiqarishni to‘xtatib turish yoki tugatish Muassisning qaroriga binoan va ro‘yxatga oluvchi organning da’vo arizasi asosida sudning qaroriga ko‘ra amalga oshiriladi.

    8.2. Muassis taklifiga muvofiq (Muassislar tarkibining o‘zgarishi va boshqalar) tahririyatning noshirlik faoliyati vaqtincha to‘xtatib turilishi mumkin.

    8.3. Muassis “Ilmiy Tadqiqotlar, Innovatsiyalar va Zamonaviy Yondashuvlar, Научные исследования, инновации и современные подходы, Scientific Research, Innovations, and Modern Approaches” xalqaro ilmiy jurnalining chiqarilishini to‘xtatib turish yoki tahririyatni tugatish to‘g‘risida qaror qabul qilingan kundan keyin o‘z qarori haqida ro‘yxatdan o‘tkazuvchi organni uch kun muddat ichida yozma ravishda xabardor etishi va axborot tizimi orqali elektron shaklda xabordor etishi shart. Mazkur xabarnoma ushbu OAVning to‘xtatib turilishi yoki tugatilishidan oldingi so‘nggi chiqishlaridan biriga joylashtirilishi kerak.

    8.4. Ommaviy axborot vositasining chiqarilishini sud qaroriga ko‘ra to‘xtatib turish ro‘yxatdan o‘tkazuvchi organ tomonidan tahririyatga nisbatan chiqarilgan ogohlantirishga sabab bo‘lgan qonun hujjatlari buzilishi takroriy yozma ogohlantirishdan keyin bir oy ichida bartaraf etilmagan taqdirda amalga oshiriladi.

    8.5. Jurnalning chiqarilishini qayta boshlash ro‘yxatdan o‘tkazuvchi organ aniqlagan qonun hujjatlari buzilishi bartaraf etilganligini tasdiqlovchi ma’lumotlar Muassis va (yoki) tahririyat tomonidan sudga taqdim etilganidan keyin sud qaroriga asosan amalga oshiriladi.

    8.6. Tahririyatni sud qarori bilan tugatishga quyidagilar asos bo‘ladi:

    - tahririyat tomonidan OAV to‘g‘risidagi qonun hujjatlari talablari muntazam ravishda buzib kelinganligi, bu haqda ro‘yxatdan o‘tkazuvchi organ tomonidan Muassis va (yoki) tahririyat nomiga yozma ogohlantirishlar yuborilganligi;

    - sudning jurnalni chiqarishni to‘xtatib turish haqidagi qarori bajarilmaganligi;

    - jurnalning olti oydan ziyod vaqt chiqarilmaganligi;

    - qonun hujjatlarida belgilangan boshqa holatlar.

    Jurnalning chiqarilishini tugatish uning ro‘yxatdan o‘tkazilganligi to‘g‘risidagi guvohnomasining haqiqiy emas deb topilishiga sabab bo‘ladi.

    8.7. Tahririyat faoliyati tugatilayotgan taqdirda Muassis tomonidan tuzilgan Tugatish komissiyasi tahririyat rahbarligini zimmasiga oladi va belgilangan muddat ichida tahririyatni tugatishga doir barcha ishlarni amalga oshiradi.

    8.8. Tahririyatni qayta tashkil etish, uni qo‘shib yuborish, qo‘shib olish, o‘zgartirish tartibi Muassis qarori bilan yoki sud qaroriga ko‘ra va qonunda ko‘rsatilgan boshqa hollarda amalga oshiriladi.

    8.9. Muassis yoki sudning qaroriga binoan ommaviy axborot vositasi chiqarilishini tugatish to‘g‘risida qaror qabul qilingan taqdirda Bosh muharrir yoki tahririyat xodimlaridan biri qonunda belgilangan tartibda xuddi shu nomda ommaviy axborot vositasi ta’sis etish masalasini qo‘yishi mumkin. 

    8.10. Tahririyatni qayta tashkil etish yuzasidan tashabbus bildirgan taraf o‘ziga yangi Muassis (hammuassis) tanlashi yoki mustaqil ravishda tashkiliy chora-tadbirlar ko‘rish, belgilangan tartibda davlat ro‘yxatidan o‘tgan holda bank hisob raqamiga, muhr va tamg‘asiga ega bo‘lishga haqlidir.

    1. NIZOMNI QABUL QILISH VA UNGA O‘ZGARTIRISHLAR KIRITISH TARTIBI

    9.1. Tahririyat Nizomi Muassis Kengashining yig‘ilishida bandma-band muhokama etilib, ko‘pchilik ovoz bilan qabul qilinadi va Muassis tomonidan tasdiqlanadi.

    9.2. Nizomga o‘zgartirishlar va qo‘shimchalar kiritish mazkur Nizomni qabul qilish tartibi qanday bo‘lsa, shunday amalga oshiriladi.

    9.3. Ommaviy axborot vositalari sohasidagi, shuningdek, noshirlik, matbaa va jurnalistlik faoliyatiga oid O‘zbekiston Respublikasi qonunlariga kiritilgan o‘zgartirishlar  va qo‘shimchalar asosida ham Tahririyat Nizomiga o‘zgartirish va qo‘shimchalar kiritilishi mumkin.

    9.4. Tahririyat xodimlari mazkur Nizomga so‘zsiz rioya etishga majburdirlar. Tahririyat Nizomi asosida har bir xodimning shartnomaviy vazifalariga tegishli yo‘riqnomalar ishlab chiqiladi va ularga amal qilish ta’minlanadi.